बीड /परळी वैजनाथ एम एन सी न्यूज नेटवर्क– प्रसिद्ध देवस्थान तिरूमला तिरुपती देवस्थानमचे विश्वस्त श्री कमलेश जी महाराज यांनी आज परळीत येऊन प्रभू वैद्यनाथाचे पूजन करून दर्शन घेतले.
टी टी डी तिरुमल्ला तिरुपती देवस्थानम चे विश्वस्त असलेले श्री कमलेश जी महाराज हे एका धर्मसभेच्या निमित्ताने आले होते. या अनुषंगाने त्यांनी परळीत येउन बारा ज्योतिर्लिंगापैकी पंचम ज्योतिर्लिंग असलेल्या प्रभू वैद्यनाथाच मनोभावे पूजा केली व दर्शन घेतले. यावेळी वैद्यनाथ देवस्थान ट्रस्टच्या वतीने सचिव प्रा बाबासाहेब देशमुख यांनी त्यांचा वैद्यनाथाची प्रतिमा देऊन हृदय सत्कार केला. यावेळी त्यांच्या समवेत संत महंतही उपस्थित होते.
आदिनाथ जगनियंता ज्योतिर्लिंग भगवान वैद्यनाथाच्या दर्शनाने अतिव समाधान व प्रसन्नता लाभल्याचे यावेळी श्री कमलेश जी महाराज यांनी सांगितले.
