नागपूर- भारतीय जनता पक्षाचे प्रदेशाध्यक्ष चंद्रशेखर बावनकुळे यांच्या आई प्रभावती कृष्णराव बावनकुळे यांचे सोमवारी दुपारी अल्पशा आजाराने निधन झाले. त्या ७४ वर्षाच्या होत्या. मागील काही दिवसापासून त्या आजारी होत्या. नागपुरातील स्थानिक खाजगी रुग्णालयात त्यांच्यावर उपचार सुरू होते. त्यांच्या पश्चात पती कृष्णराव आणि चार मुले, सुना, नातवंडे असा परिवार आहे.
दिवंगत प्रभावती बावनकुळे यांची अंत्ययात्रा मंगळवारी सकाळी सुमारे दहा वाजता त्यांच्या कोराडी येथील निवासस्थानावरून निघून कोलार घाट येथे त्यांच्यावर अंत्यसंस्कार होणार आहेत.
