🔺विशेष रेल्वे 🔺दिवाळी आणि छट
नांदेड-लातूर : खाजगी बसेस त्याचप्रमाणे राज्य परिवहनच्या बसेस ला मोठी गर्दी होत असून या दरम्यानच महत्त्वपूर्ण सणाच्या निमित्ताने रेल्वे प्रशासनाने दिवाळी आणि छटनिमित्त होणारी प्रवाशांची गर्दी लक्षात घेऊन काही विशेष गाड्या चालवण्यात येत आहेत. दक्षिण मध्य रेल्वेने नांदेड-पनवेल- नांदेड विशेष गाडी लातूर-पुणे मार्गे आणि नांदेड-विजयवाडा विशेष गाडी चालविण्यात येणार आहे.
🔺नांदेड- पनवेल विशेष गाडीची एक फेरी गाडी क्रमांक ०७६८५ हुजूर साहिब नांदेड ते पनवेल विशेष गाडी शनिवार २ नोव्हेंबर रोजी नांदेड रेल्वेस्थानकावरून सायंकाळी ४:१५ वाजता सुटेल आणि पूर्णा, परभणी, गंगाखेड, परळी, लातूर रोड, लातूर, कुईवाडी, दौंड, पुणे, लोणावळा, कर्जतमार्गे पनवेल येथे दुसऱ्या दिवशी सकाळी ११:१५ वाजता पोहोचेल.
🔺पनवेल-नांदेड विशेष गाडीची एक फेरी सुरू केली आहे. गाडी क्र. ०७६८६ पनवेल ते हुजूर साहिब नांदेड विशेष गाडी रविवार ३ नोव्हेंबरला पनवेल रेल्वे स्थानकावरून दुपारी १२:३५ वाजता सुटेल आणि पुणे, दौंड, लातूर, परळी, परभणीमार्गे हुजूर साहिब नांदेड येथे दुसऱ्या दिवशी सकाळी ६:४५ वाजता पोहोचेल.
तेलंगणा – आंध्र प्रदेशातील प्रवासी नागरिकांसाठी विजयवाडा-नांदेड विशेष गाडीची एक फेरी वाढविली आहे. गाडी क्रमांक ०७०२० विजयवाडा ते हजूर साहिब नांदेड विशेष गाडी २८ ऑक्टोबर रोजी विजयवाडा येथून सायंकाळी ६:४० वाजता सुटेल आणि गुंटूर, सत्तेनापल्ली, सिकंदराबाद, निझामाबाद मार्गे हजूर साहिब नांदेड येथे दुसऱ्या दिवशी दुपारी १२ वाजता पोहोचेल.
🔴 अल्प प्रवाशी एक गाडी रद्द- मनमाड-कल्याण ही विशेष गाडी दिवाळी-छटनिमित चालविण्याची घोषणा करण्यात आली होती. विशेष गाडी क्र. ०७६२५/०७६२६ नांदेड-पनवेल-नांदेड विशेष गाडी मनमाड- कल्याण, मार्गे चालवली जाणार होती मात्र या गाडीस प्रवाशांचा अल्प प्रतिसाद मिळाल्यामुळे ही गाडी तत्काळ रद्द करण्यात आली आहे.
🔷 गाडी क्र.१७४०९ अदिलाबाद- नांदेड-अदिलाबाद इंटरसिटी एक्स्प्रेस मुदखेड-नांदेड- मुदखेडदरम्यान अंशतः रद्द केली आहे
