परळी वीज निर्मिती केंद्रातील सुनिल पवार यांना अखिल भारतीय बॅडमिंटन स्पर्धेत कास्यपदक

🔺 क्रिडा
🔺 मुख्य अभियंता सुनिल इंगळे यांच्या हस्ते कौतुक

परळी-वैजनाथ एम एन सी न्यूज नेटवर्क /प्रतिनिधी – परळी वीज निर्मिती केंद्राचा देश पातळीवर डंका वाजत असून गुजरात येथील वडोदरा येथे नुकत्याच संपन्न झालेल्या विद्युत कंपन्यांच्या अखिल भारतीय बॅडमिंटन स्पर्धेत महाजनकोचे प्रतिनिधित्व करताना परळी औष्णिक विद्युत केंद्राचे सुनील पवार यांनी कास्यपदक पटकावले आहे. गुजरात येथील वडोदरा येथे नुकत्याच अखिल भारतीय विद्युत कंपनीच्या बॅडमिंटन स्पर्धेत महाजनकोचे प्रतिनिधित्व करताना परळी औष्णिक विद्युत केंद्राने देशभरातून तिसरा क्रमांक मिळवून कांस्यपदक पटकावले. यापूर्वी 2000-2001 मध्ये रजत पदक पटकावले होते. त्यानंतर 23 वर्षांनी कास्यपदक मिळाले आहे.