गुन्हे – गुन्हेगारी/ ड्रग -नशा अमली पदार्थ
🔺एक अटकेत, १ पिस्तुल, दोन काडतुसे ताब्यात
पुणे वृत्तसंस्था – मागील काही दिवसात राज्यात ट्रक गांजा याचे साठे मोठ्या प्रमाणात आढळून येत आहे. नुकताच पुण्यामध्ये सराईत गुन्हेगाराकडून १४ लाख ६० हजार रुपयांचे मेफेड्रोन जप्त करण्यात आले. पोलिसांना मिळालेल्या गुप्त माहितीच्या आधारे त्यानुसार पोलिसांनी शुक्रवार पेठेत सापळा रचून २ सराईत आरोपींना पकडून त्यांच्या ताब्यातून मेफेड्रोन, पिस्तूल आणि दोन काडतुसे हस्तगत केली. बॉबी भागवत सुरवसे (२८, रा. गजराज हेल्थ क्लबजवळ, लक्ष्मीनगर येरवडा, पुणे) आणि तौसिम ऊर्फ लड्डू रहीम खान (३२, रा. १२८२, कसबा पेठ, पुणे) अशी अटक करण्यात आलेल्या आरोपींची नावे आहेत.
याप्रकरणी फरासखाना पोलिस ठाण्यात गुन्हा दाखल करण्यात आला आहे. बॉबी सुरवसे आणि तौसिम खान हे शुक्रवार पेठेतील मारुती मंदिराजवळ संशयितरीत्या थांबले असून त्यांच्याकडे अमली पदार्थ आणि पिस्तूल असल्याची माहिती पोलिसांना मिळाली. त्यानंतर त्यांना अटक करण्यात आली. याप्रकरणी चौकशी सुरू आहे.
