नाशिक कुंभमेळा; सुमारें पाच कोटी भाविक येण्याचा अंदाज

संग्रहित छायाचित्र- नाशिक कुंभ

🔶  सुरक्षा यंत्रना ही तेवढीच सक्षम हवी 🔶 सिंहस्थ मेळा-२०२६-२७’ आराखडा सादर.🔶

पोलिस प्रशासनाकडून १,११२ कोटी रुपयांचा निधी वास्तविक आवश्यक खर्च म्हणून आराखड्यात दाखविला

नाशिक :  सिंहस्थ कुंभमेळ्याची नियोजनाच्या संदर्भात प्रशासन आणि पोलिस विभागाकडून जिल्हाधिकाऱ्यांकडे ‘झीरो कॅज्युल्टी, सुरक्षितता आणि विना त्रास सिंहस्थ मेळा-२०२६-२७’ आराखडा सादर करण्यात आला आहे. यानुसार २०२७ साली नाशिकमध्ये होणाऱ्या कुंभमेळ्यात तीन पर्वणी मिळून सुमारे चार ते पाच कोटी श्रद्धाळू भाविक हजेरी लावणार असल्याचा अंदाज पोलिसांनी वर्तविला आहे.

दर बारा वर्षांनी गोदाकाठी हा मेळा भरतो. देशभरातून नव्हे, तर विदेशातूनसुद्धा भाविक याठिकाणी हजेरी लावतात. साधू-संतांची यावेळी मांदियाळी असते. नाशिक शहरात २०१५ साली ८० लाख भाविकांनी हजेरी लावली होती. कायदा व सुव्यवस्थेचा प्रश्न यावेळी उद्भवू नये, यासाठी आतापासून पोलिस प्रशासनाकडून नियोजन व तयारी- करण्यावर भर दिला जात आहे. त्यासाठी पोलिसांना केंद्रीय सशस्त्र पोलिस दलाच्या अतिरिक्त कुमक मदतीसाठी घ्यावी लागणार असा अंदाज बांधला जात आहे.