◾घटना कर्नाटक राज्यातील घटप्रभा पोलीस ठाणे अंतर्गत घडली
◾ मुकादम आणि ऊसतोड मजूर बीड जिल्ह्यातील परळी तालुक्यातील एकाच गावचे.
बीड/परळी-वैजनाथ /प्रतिनिधी. तालुक्यातील अस्वलंबा येथील ऊसतोड मजूराचा डोक्यात दगड घालून खून केल्याची घटना दिनांक २३ डिसेंबर रोजी कर्नाटक राज्यात घडली आहे. याप्रकरणी आरोपी हा मुकादम होता. या घटनेतील ऊसतोड मजूर आणि मुकादम हे दोघेही परळी तालुक्यातील अस्वलंबा गावचे आहेत. याप्रकरणी कर्नाटक राज्यातील बेळगावी जिल्ह्यातील घटप्रभा पोलीस स्टेशन अंतर्गत आरोपी मुकादमावर खुनाचा गुन्हा दाखल करण्यात आला आहे. या घटनेने पुन्हा एकदा बीड जिल्ह्यात खळबळ उडाली आहे.
– परळी तालुक्यातील अस्वलंबा येथील ऊसतोड मजूर विकास बाळासाहेब जोगदंड (वय २८, रा. अस्वलंबा, ता. परळी, जि.बीड) यास त्यांच्याच गावचा मुकादम श्रीकृष्ण विठ्ठल ढाकणे (वय ४७, रा. अस्वलंबा, ता. परळी, जि. बीड) याने झोपेत असताना डोक्यात दगड घालून खून केल्याची घटना घडली आहे.
घटप्रभा पोलिस व घटनास्थळावरून मिळालेल्या माहितीनुसार मुकादम ढाकणे हा आजारी असल्याने त्यास विकास जोगदंड याने उपचारासाठी दवाखान्यात आणले होते. दवाखान्यात दाखल करून जोगदंड दवाखान्या बाहेर उभारण्यात आलेल्या जगद्गुरू गुरु सिद्धेश्वर मूर्ती जवळ रात्री साडेअकराच्या सुमारास झोपला होता.
श्रीकृष्ण ढाकणे हा दवाखान्या बाहेर आला आणि काही कळायच्या आत विकास जोगदंड च्या डोक्यात मोठा वजनदार दगड घातला. व छातीवर बसून दगडणे तोंड डोके ठेचू लागला हे पाहून दवाखान्याच्या सुरक्षा रक्षकाने ताबोडतोब ढाकणे याला पकडले. सदर घटणेची माहिती घटप्रभा पोलिसांना दिली व ढाकणे याला पोलिसांच्या ताब्यात दिले. मृताचे वडील बालासाहेब मारुती जोगदंड यांनी घटप्रभा पोलिसांत फिर्याद दिली आहे. पोलिस निरीक्षक एच. डी. मुल्ला यांच्या मार्गदर्शनाखाली उपनिरीक्षक एस. आर. कणवी अधिक तपास करीत आहेत.’ दरम्यान या खुनाचे कारण समजू शकले नाही, घटनेचा घटप्रभा पोलिस अधिक तपास करीत आहेत.
